تخسيس-وزنك-بعد-الجواز-والحمل-والولادة-بدون-رجيم-قاسي.jpg
الحمل-والولادة-بدون-رجيم-قاسي.jpg” width=”400″>تعتبر تجارب التخسيس الناجحة خير دليل للمساعدتك على تخسيس وزنك خصوصا اذا كانت سمنة ما بعد الزواج والحمل والرضاعة التى معروف عنها انها فترة تغير جسمك من الرشاقة الى السمنة المفرطة التى تستمر معاكي طوال العمر ومن الصعب التخلص منها لذلك نشرت أميرة الجودي احدي سيدات تجربتها فى انقاص وزنها 30 كيلو بعد تخن الزواج والحمل والرضاعة

حيث تقول تجربتي مع التخسيس اللي نزلت فيها 30 كيلو بفضل ربنا من 83 : 53 في 6 شهور ، في البداية قبل جوازي عملت رجيمات كتير وعمري ما نزلت عن 60 كيلو وطولي 159 كنت بعمل دايت امشي عليه شهر بعد الشهر افرح بنفسي وابطل وارجع اكل تاني واتخن تاني وفضلت كده مده طويله لاني مكنتش فاهمه يعني ايه تخسيس صح او حياه صحيه وبعد الولاده وزني وصل 83 او 85  فعملت دايت لمدة شهر بدون اي عك ولا نشويات ومنزلتش كيلو علشان جسمي حس اني بدخله ف مجاعه فبقي بيخزن اقل حاجه لانه مكنش دايت صحي

كوني دكتور تخسيس لنفسك: عمري ف حياتي ما رحت لدكتور تخسيس ابدا كلهم بالنسبالي زي بعض ميهمهمش اي حاجه في صحتك غير ان ميزانك ينزل ولا حتي بيهتمو بالمقاس وبالعكس معظم اللي اعرفهم بيروحو لدكتور تخسيس يديهم نظام يخسو عليه وبعدها يرجعو تاني لانه مش بيفهمهم ان ده اسلوب حياه مش مجرد فتره وللاسف معظم الناس فاهمه ان نظام التثبيت ده بعدها هترجع لكل اكلك القديم تاني ومش هتتخن تاني للاسف مكنش حد غلب و لان كل الدكاتره بردو بيهمهم انك تيجي كل شويه لانك مصدر دخله الا من رحم ربي فمش هيديك نظام حياه جربت رجيمات كتيره جدا جدا الي اني تاكدت ان الاكل الصحي احسن نظام علشان كده بدرس في اساليب التغذيه الصحيه و العلاجية علي النت وحاليا مدربة ايروبكس وزومبا، هتخس بنفسك مش بحد ولا دكتور وهتخس لنفسك ونفسيتك هتتحسن جدا صحتك هتبقي احسن هتبطلي تنهج كتير هتقدر تتحرك من غير تعب وهتقدر تشتري اي مقاس لبس، والمهم الالتزام و الاراده هتخسي لنفسك مش لحد بارادتك والتزامك اهم حاجه ابداي ومتكسليش ومتتحججيش

بدات اكل صحي وافهم الحياه الصحيه فعلا: قللت السهر جدا وبقيت بصحي بدري وده فرق في شكلي وبشرتي وصحتي، وبطلت اكل وانام، وبدات اخلي المياه شئ اساسي جه وضروري مش اقل من 3 لتر ف اليوم الصبح اول ما اصحي وقبل الاكل وبعد الاكل وكوبين ميه قبل كل وجبه، ومنعت السمن من البيت نهائي واستبدلتها بمعلقة واحدة فقط من زيت زيتون و قللت الملح ومنعت الشيبسي والبيبسي والصودا بانواعها تماما ممكن مره كل شهر او شهرين كنت بشرب شويبس جولد والسكر دايت او من غير خالص بستعمل سكر دايت سبليندا يوم ما بكون هشرب حاجه محليه، وكنت مدمنة حاجه كوفي ميكس كنت بشرب 4 ف اليوم قللته ل 2 وبعدها ل 1 وبعدها بطلت اشربه خالص لانه بيتخن لانه بيحتوي على زيوت نخيل مهدرجه استبدلتها بكوب قهوة وياريت قبل التمرين ويكون ساده بيعلي معدل الحرق، و لو ف يوم عكيت مش بدايق عادي بلم نفسي اليوم اللي بعدها

الفطار: علي الريق ليمونه علي ميه دافيه ومعلقة عسل ثم بعده بنصف ساعة الفطار، بفطر الصبح 2 بيضة مسلوقة أو اومليت معمول بنص معلقة او اقل زيت زيتون مع 2توست سن، او كنت بفطر شوفان باللبن ومعلقة عسل ورشة قرفة وموزة، او 4 معالق فول بالليمون والكمون وسلطهب

الغداء: بشرب كوبين ميه قبله كنت بعمل اي اكل بحبه كنت باكل نجرسكو او كريب او بيتزا او بس بحط طبق متوسط وطبق سلطه وبشبع لان الميه والسلطه كانت بتشبع، لتشتمل الوجبة “بروتين كويس ونشويات قليل وسلطه كتير”

فالبروتين احد الخيارات التالية: فراخ فاهيتا، شاورما، مشوي، فرن وطبعا من غير جلد ويستحسن يكون صدر او اللحمه من غير دهون او شاورما كفته مشويه او السمك وأنواعه فرن او مشوي او تونه او بيض مسلوق او اومليت

السلطه تشتمل على: طماطم جزر بشور خيار كابوتشي خس كرفس بقدونس فلفل ومش لازم كلهم مره واحده

مشروب الحرق:  2 او 3 مرات ف اليوم قبل كل وجبه بشرب شاي اخضر صيني بليمون وبردقوش ونعناع وجنزبيل وقرفه مع ملاحظة البردقوش غير مناسب لاصحاب الضغط المنخفض

سناك: بقطع خيار او خس وارش عليهم ليمون، او تفاح، او تين شوكي، او كيوي، او لما تدوخي خدي معلقة عسل

العشاء: تفاحه او خيار او رمان مع زبادي او رايب مع نص ليمونه ومعلقة بذر كتان، وتفاحه اخر وجبه قبل النوم بساعتين

الرياضة: رياضه من 3:6 ايام في الاسبوع بعمل رياضه ايروبكس واوزان احيانا كل يوم واحيانا يوم اه ويوم لا

رجيم النوع الواحد لكسر ثبات الوزن: كنت كل فتره بعد ما مشيت شويه في الدايت الصحي  بعمل 3 او 5 ايام رايب وفاكهه فقط كنت بنزل من 2:3 كيلو ومينفعش يتعمل مرتين ورا بعض ، او ريجيم التمر واللبن عمله ناس معايا ونزلو 5 ك ف اسبوع وانا عملته نزلت 2.5 ك في اسبوع عباره عن اسبوع تمر ولبن عباره عن 7 تمرات وكوب لبن او رايب في كل وجبه وما بينهم زبادي علبه واحده لمدة اسبوع ومفيش اي اكل تاني، ومينفعش يتكرر ورا بعض


يوم الفري: بعمل فري كل 10 لحد الساعة 6 باكل وجبه من اي مكان بس وجبه واحده بس وباكل حلويات مع الوجبة كل 10  ايام 

شهر رمضان: احسن وقت كنت بخس فيه كان رمضان كنت بنزل فيه كتير لان السعرات اقل وفي العزومات كنت باكل المشوي بس

أقرائي أيضا:
كيف انقصت مصرية وزنها اكثر من 50 كيلو بدون طبيب
فتاة خست 57 كيلو بالاكل الصحي دون حرمان مع رياضة المشي

اقرأ ايضا: