كيف-خست-فتاة-60-كيلو-بالاكل-الصحي-دون-حرمان-مع-رياضة-المشي.jpg
بالتفاصيل: حوار مع فتاة رشيقة عائدة من محاربة السمنة المفرطة، كيف خست 60 كيلو بالاكل الصحي بدون حرمان مع رياضة المشي ؟ تجربة تخسيس ناجحة جديدة فبعد‏ مروة الزارع‏ التي خست اكثر من 50 كيلو فى خلال عام بدون عمليات فقط بنظام اللقيمات و ممارسة الرياضة بأجهزة الجيم، هناك فتاة مصرية اخري استطاعت تخسيس وزنها 57 كيلو خلال عام  ومؤخرا خست 3 كيلو آخري بدون طبيب او عمليات تخسيس ولكن بالارادة والاكل الصحي بكميات قليلة مع رياضة المشي فقط أنها مهندسة الديكور هند عبد الهادي تروي تفاصيل تخسيس وزنها وتغير شكلها للأجمل وللرشاقة بعد السمنة المفرطة التي لزمتها طوال عمرها

التخسيس بالإرادة القوية وتغير نظرتنا للأكل بأنه ليس سبب السعادة فتقول: الإرادة هى العامل الأقوى والأهم فى قصة الريجيم تلك، فلا يوجد شىء أقوى ولا أهم من الإرادة للنجاح فى أى شىء فى الدنيا وأنا لو تكن لدى إرادة ورغبة حقيقة فى التغيير لما إستطعت أن أفقد كل هذا الوزن، كنت بشتغل على نفسى نفسيا انى مثلا ديما اقول ان الشكولاته والشيبسى والبيبسي بيضرونى وبيرفعوا سكر الدم وبيوقفوا الحرق وان الفاكهه والتوست البراون والعيش البلدى والجبنة اللايت والشكولاته الكرونا الدارك دول بيخلونى صحتى احسن وشكلى ارفع، وأننا بناكل علشان نعيش مش بنعيش علشان نأكل، وان السعادة موجودة فى حاجات تانيه كتير غير الاكل، قررت احب نفسى وأغير نفسى شكلى وصحتى، وان احنا لما هنحافظ على جسمنا المعدة والكلى والاجهزة اللى فى جسمنا  ربنا هيكافئنا بالشكل الحلو ودة اللى حصل، الاكل الصحى بقى اتجاه لناس كتير جدا دلوقتى وانا شخصيا اعرف بنات وشباب كتير بيأكلوا اكل صحى وبيلعبوا رياضة ومش بيقولوا معندناش وقت اللى عاوز حاجه بيعملها ، الأقوياء بس اللى بيوصلوا لأهدافهم ومبيتزلوش عن احلامهم ، اوعى تقولى ان عمرودياب الراجل اللى سنه عدى ٦٠ سنه وهو بالجسم الرياضى دة بيأكل بيتزا او بيفطر طعميه وفول غرقانين فى الزيت، وان نيكول كدمن اللى اختاروها اجمل نساء الارض ٢٠١٥ لما سألوها بتعملى ايه وازاى محافظة على جمالك وشبابك فى السن دة قالت بأكل اكل صحى وبلعب رياضة ٦ ايام فى الاسبوع واليوم السابع بأكل كل اللى نفسى فيه، وبعد الإرادة يأتى دور الغذاء الصحى والإبتعاد نهائيا عن الأنظمة التى تقوم على الحرمان من أى شىء



ريجيم بدون حرمان: فتروي على لسانها انقصت وزني 57 كيلو فى سنة فقط من شهر مارس ٢٠١٥ الى مارس ٢٠١٦، أما قبل ذلك بدأت بتجربة الكيميكال دايت ولكنى تعرضت بسببه لمشاكل صحية كبيرة مثل الدوخه والهبوط وعدم القدرة على بذل أى مجهود حتى صعود السلم كان بالنسبة لى أزمة كبيرة ومن ثم قررت أن أبتعد نهائيا عن كل الريجيمات التى تعتمد على الحرمان من الطعام وبدأت أقرأ كثيرا عن الأنظمة الغذائية الصحية التى توفر كل أنواع الطعام بما فيها الحلويات ولكن بمقدار محدد وبالفعل بدأت بهذا النظام الذى كنت أستطيع من خلاله أن أتناول كا ما يروق لى ولكن بشكل صحى وبكمية معينة وفى أوقات محددة  فالحرمان هو أكبر خطأ يقع فيه كل من يريد أن يعمل ريجيم وغالبا ما يجعله يعود الى الطعام برغبة أكبر مما كان عليه من قبل

الاكل بطريقة صحيه: يعنى بأكل لحمه مثلا بس من غير دهن تماما او بأكل طعميه مثلا بس مش مقليه بتكون معموله فى الفرن بنقطه زيت او فى طاسة تيفال وحتى المكرونة الباشميل التى أعشقها كنت أطبخها بشكل صحى والحلويات قبل الواحدة ظهرا وبكميات صغيرة أما الشيكولاته فيفضل أن تكون غامقة ولو بحليب فلا يتجاوز الأمر مكعب صغير وخضار وفاكهه كتير، كنت بكرة البطيخ وبحب المانجا النهردة انا ممكن اكل طول اليوم بطيخ بس والمانجا فى عز الموسم بتاعها بأكل واحدة بس فى الاسبوع، أما وجبة العشاء فهي زبادي لايت بليمون بس، مع أن فى يوم من الايام كنت بكرة الزبادى النهاردة لو مفيش زبادى فى البيت ممكن انزل مخصوص اشتريه، وهذا النظام هو الذى جعلنى أفقد أكثر من 57  كيلو فى سنة واحدة فضلا عن أنه لايسمح بالعودة مرة أخرى لأن حجم المعدة أصبح أصغر كثيرا عن ما كان عليه وبالتالى مستحيل يسمح بكمية أكبر من الطعام، بالأضافة إلى شرب ماء كثير طوال اليوم ، وبعد آذان المغرب لا أتناول أى طعام فأنا لا اكل بالليل

امنعي الملح والسكر: اولا الملح انا بدأت من سنه اقلل الملح والنهاردة باكل من غير ملح خالص الملح بيساعد على تخزين الميه فى الجسم ودة ضد الصحه وضد الدايت اهم طرق التقيل ان مثلا الملاحه تلتينها فلفل اسود وثلث بس ملح ومثلا اقعد اقلل الملح مرة فى مرة بعد كدة الاقى مش محتاجه او مثلا أزود الفلفل الأسود على البيض مثلا او أحط شطه او فلفل حار على الكبدة مثلا ، سمعت ان فى ملح فى صيدليات بيتباع على انه صحى وان الصوديوم فيه عالى بس مجربتوش بس انا دايما بتعامل على ان انا بطله والابطال بيقدرو يعملوا اى شئ حتى لو هيستغنوا عن الملح ، اما السكر فالسكر الابيض بيرفع سكر الدم حتى لو معلقه واحدة او بونبونى صغير ويقلل المناعه لمدة ٦ ساعات وبيعطل الحرق لمدة ساعتين هنعوضه بالسكر البنى او العسل بس دول برضوا بيرفعوا سكر الدم ويعطلوا الحرق بس الفرق ان السكر الابيض بلا فوائد إنما البنى والعسل فيهم فوايد ، يفضّل استخدام السكر الدايت ودة فى انواع كتير : منها الفركتوز ودة فى كلام كتير عليه  مفيش حاجه مؤكدة بس فى دكاترة بتقول ليه اضرار وفى السبرتام ودة انا كنت بجيبه لغايه لما طلع الاستيفيا : عيبه ان فى طعمه مرار خفيف فى الاخر بس انا بقيت بحب الطعم المر

تقليل الشهية والسيطرة على الجوع: بشرب ميه كتير طول الوقت يعنى اقل حاجه 6 لتر ميه فى اليوم ( اربع ازايز من اللى هيه لتر ونص ) ،  ولما بطلت الحلويات والسكريات ( لانها فواتح شهيه ) مبقتش بجوع خالص، اكتشفت كمان ان القهوة التركى بتشبع بس مبشربهاش اكتر من مره فى اليوم لانها كافين

اليوم الفري: لم أكن احرم نفسي من أكله معينة لدرجة إنى فى اليوم الفرى كنت لاأجد شىء نفسى فيه ولكنى فى نفس الوقت كنت أطهو بالطعام بشكل صحى وأعتمد بنسبة أكبر فى غذائى على الخضروات والفواكه والطعام الصحى

وبالنسبة للرياضة: فى يوم من الايام مكنتش بحب المشى النهاردة بمشى على الأقل ساعه فى اليوم

وتختم حديثها عن سر انقاص وزنها: اخر حاجه عاوزة اقولها ان أسهل حاجه انك تحافظ على صحتك وأصعب حاجه انك تهمل صحتك وتتفاجئ فى يوم من الايام انك مضطر تأكل اكل معين مفروض عليك او تبقى ماشى بشنطة أدوية او انك تبقى فى عز شبابك ومش قادر تطلع السلم، اختار صحتك وسعادتك لان السعادة قرار

اقرائي أيضا:
تجربة تخسيس ناجحة مصرية انقصت وزنها اكثر من 50 كيلو بدون طبيب

اقرأ ايضا: