مؤخرة
 
 
طبعا الصدر الممتلئ و المؤخرة البارزة من اهم معالم الانوثة فى جسم المرأة و أكيد فى بنات كتير جدا نفسها يكون عندها مؤخرة كبيرة و بارزة و صدر ممتلئ و عشان كدة فانا النهاردة هقولكم على وصفات طبيعية و مضمونة 100%
 
هنجيب زيت حلبة و دة بيتباع عند العطار و معاه زيت صويا و نخلطهم ببعض و ندلك بيهم الصدر بحركة دائرية كل يوم بالليل قبل النوم و نسيبه نص ساعة و بعدين نغسله و لو عايزين نتيجة اسرع فممكن ننام بيه و نغسله الصبح و دى اول حاجة هنعملها
تانى حاجة بقى هنجيب حلاوة طحينية و اللى بيكون فيها نسبة الطحينة عالية او نجيب معلقة طحينة عليها معلقة زيت سمسم و ناكلها على الريق الصبح عشان بتكون النتيجة افضل بكتير من اننا ناكلها اى وقت فى اليوم و فى اقل من شهر النتيجة ان شاء الله هتبان و لما نوصل للحجم اللى عايزينه نبتدى نوقف تدريجيا يعنى بدل مانستخدم الوصفة يوميا نخليها يوم و يوم او مرتين فى الاسبوع و نفضل نقلل لحد مانوقفها خاااالص
 
تانى حاجة المؤخرة :
 
برضه هنستخدم نفس الوصفة بتاعة زيت الحلبة و الصويا وبنفس الطريقة اللى قولتهالكم
 
و تانى حاجة بقى هنعملها لتكبير المؤخرة هى اكلة الحمسة و دى مكوناتها موجودة فى اى بيت و نتايجها هاااااايلة و ميزة الحمسة انها مش بتخن اى جزء تانى فى الجسم الا المؤخرة و الأجناب فقط  
 
مكوناتها و طريقتها :
 
-2 حبة بطاطس مسلوقة متوسطة الحجم 
 
-2بيضة مسلوقة
 
– بصلة واحدة 
 
– حبة طماطم 
 
– معلقة سمن
 
الطريقة :
 
– هنقطع البصلة قطع صغيرة او نبشرها زى مانحب و نحمرها فى السمن لحد مايبقى لونها دهبى و بعدين نقطع الطماطم و نضيفها عليها و نحمرهم مع بعض
 
– هنجيب البطاطس المسلوقة و نهرسها او نقطعها مكعبات و نضيفها للبصل و الطماطم و نحركهم كلهم مع بعض شوية يعنى مثلا 3 دقايق كدة 
 
– هنجيب البيض المسلوق و نقطعه كبيرة على اتنين بمعنى ان البيضة تبقى نصين و نحط البيض على باقى الخليط و نقلبهم و طبعا نحط البهارات اللى احنا عايزينها بس منكترهاااااااش و بالهنا و الشفا
 
و على فكرة طعمها حلو جدا و مقبول يعنى مفيهاش اى مشاكل
 
و لو عايزين نتايج اكتر بالنسبة لتكبير الصدر و المؤخرة فممكن نشرب مغلى الحلبة عليه معلقة عسل 3 مرات فى الاسبوع لان الحلبة بتزود نسبة هرمون الاستروجين فى الجسم و هو هرمون الانوثة و المسئول عن ابراز اماكن الانوثة فى جسم المراة بس اول ما نوصل للنتيجة المطلوبة نوقف مغلى الحلبة او نقلله قدر الامكان لان لو الهرمون زاد عن الحد المطلوب هيسبب امراض ربنا يبعدنا عنها كلنا 

اقرأ ايضا: