حلو-الكيت-كات-بالتوفي8230.jpg

هالوصفه من كتاب بتول الكندري… وتشجعت اسويها يوم شفت تطبيق منى .. اناغمست البسكوت بالحليب لاني كنت بقدمه بسرعه وابيه يطري…و زدت كميه الككاو الفانيلا واستخدمت التوفي الجاهز من ماركس& سبنسر طعمه قريب لطعم التوفي المنزلي.. زينته بكور الكيت كات وتحصلونهم بمركز سلطان

المقادير:

– 2 علبة قشطة نستلة
– 2كيس دريم ويب
– ربع كوب حليب سائل باااارد.. انا احتجت اكثر
-كيس كريم كراميل كبير بس البودر من غير الكراميل
– 2 علبه بسكويت ليدي فنغرز.. وانا استخدمت عليه ونص
– 4 حبات ككاو كت كات حجم كبير مبشورة .. استخدمت ام اربع اصابع
-فانيلا قد غطا العلبه
-حليب لتغميس البسكوت
– صلصة التوفي واذا بتسونها بالبيت ( نص كوب سكر على عليه قيمر .. ذوبوه السكر بروحه ليما يشقر لونه وبعدين حركو القيمر معاه مع الخلط المستمر)

الطريقه:

يخلط الدريم ويب مع الحليب وبعدين نحط عليه القيمر وبودر الكريم كراميل ونخلطه لما ينفش.. انا احب احط الطاسه اللي اخلط فيها بالفريزر عشان تكون بارده والكريمه تجمد معاي بسرعه

نغمس البسكوت بالحليب ونصفه بالبايركس او كبق التقديم ونرش شوي توفي و الكت كات المبشور وجزء من خلطه الكريما

ونكررهم على شكل طبقات ونخلي اخر طبقه كميه وفيره من خلطه الكريمانزينه بكور الكيت كات والتوفي وندخله الثلاجه يجمد شوي ويقدم بالف عافيه



اقرأ ايضا: