عجينه-القشطه.jpg

وصفات عجينه المعجنات الموجوده بالبلوق وايد ومتنوعه … هالنوع كان يديد وحبيت اشاركم فيه .. هالمعجنات حلوه وترفه بس لازم تنوكل بنفس اليوم ولانها حلوه تصلح حق خليه النحل او المعجنات عموما …ساعات ندخلها الفرون ساده بعد ما نرقها بسمك متين ونحشي فيها الحشوه المرغوبه

ومثل ما اقول دايما … كميه السائل بالعجين تفرق من مطبخ الى مطبخ ثاني على حسب حراره المطبخ ونوع الطحين ورطوبه الجو … كل ما عجنتو العجينه اكثر كل ما طلعت لكم نتيجه افضل بالعجين

المقادير والطريقه :

3 ونص كوب طحين

نص علبه قشطه

ربع كوب زيت نباتي

2 ونص م ص خميره فوريه

4 م ص سكر … اذا تحبونها حلوه خلوهم قفاش كبار

م ص ملح

ماي للعجبن او حليب دافي بحدود كوب

الطريقه : نخلط 3 كوب طحين مع باجي المكونات ونضيف باجي الطحين بالتدريج بحسب ما تحتاجه العجينه … نخمرها بطاسه مدهونه لينا تتضاعف بالحجم

نشكلها مثل ما نحب ونمسح ويهها باالبيض وندخلها فرن 180 درجه لين تتحمر واكلوها بالف عافيه

اقرأ ايضا: