صلصه-الطماط.jpg

هالصلصه حلوة تستخدم كبديل للطماط المعلب في الباستا والبيتزا والشوربات… عاده اسويها بكميات كبيره بموسم الطماط
وتقدرون تحفظونها بطريقتين اما تثلجونها ( حطوها في قوالب الثلج واذا جمدت يمعوهم بكيس نايلون وطلعو اللي تحتاجونه ) او انكم تحطونه ببرطمان بالثلاجه بس على الويه حطو كميه من زيت الزيتون عشان لا يخرب

الطريقه جدا سهله بس تحتاج وقت على النار لين تتكثف الصلصه وهذي حسب كميه الطماط و اذا كانت كميه كبيره تحتاج 45 دقيقه… انواع الاعشاب حسب الرغبه وتقدرون تلغون الثوم المهروس وتقدرن تزيدون بالحمس البصل

الطريقة:
ناخذ كميه كم الطماط ونحطها بالخلاط لين تصير عصير ونخليها
نسخن كميه من زيت الزيتون وثوم مهروس ونحركه اول ما تطلع ريحته نضيف الطماط ونضيف له ملح وفلفل اسود وشوي شكر ومعجون طماط ونتركه لين يغلي بعدين نضيف الاعشاب العطريه ونوطي النار ونخليه لين يتكثف
ننطره لين يبرد وبعدين اما يثلج او يوضع بالثلاجه بس على الويه ضيفو كميه من زيت الزيتون عشان يحافظ عليه :>

اقرأ ايضا: